" U giuramentu" di Giovanni Giardina
Passaru l’anni e arrivó u mumentu
di fari all’Australia giuramentu ,
chista è na terra ricca d’accoglienza,
e merita fedeltà e riconoscenza.
I nicu, mai mi passo’ pa fantasía,
di staccarimi di chissa terra mia,
ió era cumu o scuogghiu ca patedda
‘un m’avissi staccatu mancu chi cutedda
Criscíu, studiaiu e sirvíu o Statu
fu buonu finu a quannu fu sfruttatu
poi ‘u nni potti cchiù cuntári una
partíu luntanu in cerca di furtuna.
Quannu arrivó u mumientu di staccári ,
l’uocchi eranu chini di lacrimi amari.
ripiensu quannu a Lipari era carúsu,
e ogni lacrima chi scinni , fa un purtusu.
Ccà ‘un mi manca nenti, fazzu i dinári
chiddu ca mi manca , su i me cari
di tantu in tantu, aggíru cumu turista,
ma puru l’amisci ormai pirdiu di vista.
I figghi mia nascieru Australiani
ma i dintra sunnu sangu d’Italiani,
i puortu cuntentu ,assiemi, ca mugghieri
ma simu cunsidirati, cumu stranieri.
N’finu a quannu ci su i mia e c’è me frati,
viegnu p’amuri d’iddi, mi passu a stati
m’appena ‘un ci su cchiù o ‘un’haiu cchiù sordi
di l’Italia mi resterannu sulu ricordi
Di Lipari , mi resterá sulu ná cosa
dda bedda Crusci supa o Munti Rosa,
fatta tutta in fierru battutu ,
pi dari o so figghiu l’ultimu salutu .
Ccà dopu du giuramentu c’è fistinu
ma ió ripiensu sempri o me destinu
ringraziu l’Australia, e sugnu gratu,
pi l’accoglienza e chiddu chi m’ha datu.
Tristi, esiliatu, ma cu devozioni
fazzu giuramentu a stá Nazioni,
‘nte mani bannera Inglisi cu sei stiddi
ma u cori sempri.... jancu russu e virdi.
a cura di Peppe Paino
Data notizia: 8/11/2012
dalla nostra Daniela Bruzzone
Dalle nostre ricette ingredienti per 4 persone... scoprile!