" Pirchì cu l'Inps oggi si pò campari ? "

" Pirchì cu l'Inps oggi si pò campari ? " "Pirchì cu l’ I.n.p.s…oggi si po’ campari ? " di Giovanni Giardina 2012 Passaru i jorna mia, mi fisci ranni e vaiu sbattiennu a testa a tutti vanni mi fazzu forza e mi dugnu aiutu ma sugnu stancu e sugnu strudutu. Quannu io’ travagghiava, era scircatu, ora c’on siervu cchiu’, sugnu scansatu, scuntru l’amicu i sempri, salutu m’pasci mi fa’ na giriata e culu e si ‘nni vasci. Pi junta i tassi fuoru na’ ruvina e poviri ‘nni rumpieru gia’ a carina. Ma i liggi parlanu chiari… su trasparenti e cchiu’ i lieggi e cchiu’ ‘un capisci nenti. Finieru i bieddi tiempi di la pinna, tiranu cunti e cu spinna, spinna, prima si usavanu i calcolatrici ora a buttana d’iddi e cu li fisci. Ammatuli ca ci cierchi chiarimenti ti fannu jttari u sangu a documenti oggi su tutta genti prevenuta miegghiu ti sarvi u sciatu…nuddu t’ascuta ! Passu li jorna mia pigghiannu appunti pi fari quatrari tutti quanti i cunti ora ca m’havia un puocu arripusari, ‘un sacciu cchiu’, chi pisci haiu a pigghiari! Mi discinu: ‘un ci pinsari ! ‘vatti a svagari’! pero’ ‘ssa sigaretta tu l’ha lassari ! sinno’ t’attuppa l’aorta, e pua cripari ! Pirchi’: cu l’i.n.p.s….oggi si po’ campari ?? Lipari- 05-02-2012 .

a cura di Peppe Paino