"A Vartuluzzu ! "

"A Vartuluzzu ! " Riceviamo da Giovanni Giardina e pubblichiamo: Caru Vartuluzzu, se i jammi mi dunanu aiutu ,dumani vuogghiu essiri presenti puru io’ a presentazioni du To libru. Intanto Direttore mi consenta di riproporre la dedica che anch’io tempo fa ho gia’ inviato . Vartuluzzu sei sempre vivo, non solo nel mio cuore ma anche in quello di quanti Ti hanno conosciuto. Giovanni Giardina A Vartuluzzu ( Ruggieru) Giovanni Giardina Oh ! Vartuluzzu, quantu nn’ha mancatu ! pari ca ti sintìmu ancòra u sciàtu l’amici tua ti vonnu ricurdàri e na canzuna tua vonnu cantàri. N’ta vita tua fascísti lu varvièri a fini i uerra i tiempi fuoru crudèli tra na tagghiata i varva e na ‘n’sapunata, truvàvi u tiempu pi fariti a sonáta Cu tti accuminciò a passioni mia, quannu vulía cantari ,scircàva a ttia pi anni ti fidàsti da me vusci , quannu ancòra ‘un c’era mancu a lusci. Tu fusti un Maestru troppu finu, ci dedicasti amuri o mandulinu ‘un ci fu unu c’on scircàva a ttia, pirchì unni c’eri tu , c’era allegrìa. Quantu paisani, Tu , fascisti scialàri ! quantu fimminieddi, Tu fascisti ballàri ! ’un ci nni fu ’una ca ristò scuntenta e ti purtàvi i tutti i cumplimenta N’ta tutti i cantunieri isti a sonári, u mandulinu tu, u fascì parlàri sapivi cumu divertiri i turista e chi canzuni tua fascianu festa. Prima ca ti nni isti a ripusàri, na picca d’emigranti isti a truvàri cumu bagagliu sulu u mandulinu e pi cumpagnu tua, sempri Dorinu. Ti vogghiu dedicari stá poesia, pi stari m’pasci cu l’anima mia Tu fusti ranni, fusti un gran maestru e nni lassasti a tutti , u cori e l’estru.

a cura di Peppe Paino