"A crusci di purtari"

A CRUSCI DI PURTARI ( di Giovanni Giardina ) Si la spiranza cchiu’ ti veni menu cchiu’ u cori t’abbannuna e mori ti pua sfurzari e ci la metti tutta ma prima o poi ci pua ristari sutta. ‘Un basta cchiu’ ne’ scienza ne’ midudda stamu aggirannu a pani ca scipudda sti bollettini su cumu a rina o mari una ‘nni paghi e n’autra sta p’arrivari Si stava miegghiu quannu si stava peggiu t’accuntintavi i pani e cumpanaggiu ‘un c’era tantu e ‘un circavi nenti bastava ca lu cori era cuntenti. Ci ‘u dissi a monascedda ‘nta la nassa, unni maggiuri c’e’ minuri cessa cchiu’ u riccu metti i latu i capitali cchiu’ u poviru soffri e stasci mali . Chistu u Signuri ‘un l’havia a fari ‘nn’havia a criari tutti quanti uguali pi ‘nni cunsidirari cchiu’ ‘nto munnu ‘nn’havia a scanciari spissu… tutti a turnu ! Beato l’ultimo esso sara’ u primu ! finu ca dura a fidi e ci cridimu ‘un ‘ nni bastava a crusci di purtari tutti sti manciafranchi nn’ hamu a tirari !

a cura di Peppe Paino

Data notizia: 1/24/2012