" Finu c'haviti pani ! "

FINU C’HAVITI PANI ! di Giovanni Giardina 2012 Cumu mi chianciu stu paisi mia chinu di storia e chinu di puisia vantu di biddizzi ‘nta stu munnu arranchi cchiu’ pi gghiritinni o funnu ! Nun e’ quistioni cchiu’ mancu di razza nni cuntagio’ a tutti a mucca pazza chi sacrifisci i viecchi fisciru i patruni e pi eredita’ lassaru cca,tanti minchiuni. Pi n’avveniri i fisciru studiari pi nun ristari arriedu e pi spirari o fu pa scola o fu, pu Patri Eternu co scirivieddu su mancio’ lu viermu. Nuddu si smovi, nuddu fasci nenti finu c’on manca u pani sutta i dienti si fidanu a giru di sti prumittenti e poi alla fini ‘un ci dannu nenti. Viditi cumu i cuosi sunnu misi? Girianu cumu e pacci n’to paisi pi n’tabbacari, cunvinciri a vutari pu Sinnacu chiu’ forti a chiacchiariari. Tutti i partiti ‘nni purtaru o fuossu nni stannu spruppannu tutti finu all’uossu. ma u partitu nuddu voli lassari pirchi ’cu iddu continuanu a manciari. Giuvani ! futtitivinni, ‘un pinsati a nenti finu c’haviti pani sutta i dienti si v’aspittati i l’autri a furtuna v’aspetta la valiggia di cartuna ! Lipari – 31- 01 - 2012

a cura di Peppe Paino

Data notizia: 1/31/2012