" Canti d'amuri ! "

" Canti d'amuri ! " Gentile direttore, colgo l’occasione per ringraziare l’amico Cesare Giuffre’ ( Varese ) per l’opera di fotomontaggio .Grazie ... Giovanni Canti d'amuri ! di Giovanni Giardina Mentri chi giriava ‘mparavisu da Terra mi parsi i sentiri na vusci. parìa na vusci ca mi scircàva aiutu ma subitu m’accurgiu c’avìa sbagghiatu ! Era na vusci già menza arruggiata, ma bella forti e ancora ‘ntunàta , i versi eranu scritti cu maistrìa degni d’un maestru di poesia ! A forza d’ascutàri, ristaiu ‘ncantàtu, scinniu ‘nta Terra e m’assittaiu o so latu. I dda vusci ci niscìa melodia, ‘nte mani na chitarra u sustinìa l’occhi i tinìa chiusi, nun vidìa c’ogni tantu na lacrima scinnìa ! Canzuni chi parlavanu d’amuri du mari, u cielu, di li so culuri, da terra, da natura, da biddizza, dill’emigranti,affranti da tristizza ! M’avviscinaiu cu tanta tinirizza, e chianu, chianu, ci fisci na carizza, dopu ddi canti e dopu avillu ‘ntisu , mi nn’aggiraiu beatu ‘mparavisu !

a cura di Peppe Paino