" Poveri noi ! "

" Poveri noi ! " Poveri noi ! di Giovanni Giardina clicca per sentire Giardina Nun è ca scrivu pirchì mi sientu ranni u fazzu pi passarimi lu tiempu, tutti discinu c’on si po’ gghiri avanti, e poi pi canciàri nuddu fasci nenti. Pi cuminciari vu dicu n’cunfidenza ca n’to cattàri iò nun haiu esperienza, pi chistu quannu è l’ura i fari a spisa, ci vasci quasi sempri la me sposa,. Nun è ca a fini ci risparmiu tantu, ma ammenu , un pocu m’arrifriscu a menti, mi cercu di scanzàri….i guai su tanti, e nun mi sfocu almenu cu li Santi. Oggi purtroppu ci su troppu ‘mbrogghi, pi chistu aumentanu i darigghi, e quannu cerchi aiutu all’avvocatu, prima di cuminciari,,,,si cunsumatu!. Quannu ha ccattari…si tu ci metti testa, ti discinu : “ ca si cumu i comunista, su tanti presi da li so uadagni, ca si nni futtunu puru di to lagni. Si cacchi d’unu poi la crista isa, ti futtunu n’to cuntu e poi n’ta spisa, è miegghiu oggi fari finta i nenti, ti sarvi lu to sciatu….ammenu canti! Attentu a nun scircàri mai u scontrinu! ti dicinu: o si pazzu o si cretinu, “ora ci damu a manciari o statu! “ “megghiu mi futtu iò …..mi miettu i latu” Nun ghiri poi mai ‘nta la to banca, ca sempri ‘nto cuntu tua quarcosa manca, si ci dumanni….unn’è chi sunnu misi ? Rispunnunu ca su tutti quantu spisi. E si pi casu và ‘unnu farmacista! Prima chi trasi dda, ti doli a testa, ‘ un tu scurdàri misurati a prissioni, prima di iri a posta, pa pinsioni. Megghiu finiri cca, nun vaiu cchiù avanti, cuntentati di chistu, i uai su tanti, d’altrondi nnu dissi puru Berlusconi:… “Ca gli Italiani siamo dei coglioni “ !. .

a cura di Peppe Paino