" Pirchì cu l'Inps..."

" Pirchì cu l'Inps..." Pirchì cu l'Inps... di Giovanni Giardina clicca per ascoltare Giardina Passaru i jorna mia, mi fisci ranni e vaiu sbattiennu a testa a tutti vanni mi fazzu forza e mi dugnu aiutu ma sugnu stancu e già sugnu strudutu. Iò quannu travagghiava, era scircàtu, ora c’on siervu cchiu’, sugnu scansàtu, scuntru l’amicu i sempri, salutu m’pasci mi fa’ na giriata i culu e si ‘nni vasci. Pi junta i tassi fuoru na’ ruvina e poviri ‘nni rumpieru già a carìna. Ma i liggi parlanu chiari… su trasparenti e cchiù i lieggi e cchiù ‘un capisci nenti. Finieru i bieddi tiempi di la pinna, tiranu cunti e cu spinna, spinna, prima si usavanu i calcolatrici ora a buttana d’iddi e cu li fisci. Ammatuli ca ci scierchi chiarimenti ti fannu jttàri u sangu a documenti oggi su tutta genti prevenuta miegghiu ti sarvi u sciatu…nuddu t’ascuta ! Passu li jorna mia pigghiannu appunti pi fari quatrari tutti quanti i cunti ora ca m’avìa un puocu arripusàri, ‘un sacciu cchiù, chi pisci haiu a pigghiàri! Mi discinu: ‘Un ci pinsàri ! ‘vatti a svagàri’! però ‘ssa sigaretta l’ha ghittari ! sinnò t’attuppa l’aorta, e púa cripàri ! Pirchì: forsi cu l’I.N.P.S….Oggi si po’ campàri ??

a cura di Peppe Paino