"A quinta i luna"

"A quinta i luna" di Giovanni Giardina Ti vogghiu tantu beni Lipari mia, ca u pinsieri mia è sempri a ttia t’ammiru e ti uardu d’ogni latu e cchiù ti uardu, cchiù riestu ammaliatu . Ti viu stanca pi quantu nna passatu ! c’ancora chianci pu figghiu emigratu; ma chista è a terra vostra biniditta cumu na cara mamma, idda v’aspetta. ‘Un ci ha pututu vientu e timpurali ! ‘Un ci ha pututu mari e tirrimuotu ! ci sta pruvannu u figghiu tua divotu, ca p’interessi sua, è m’bastardutu. Ti mancanu ddi viecchi artigiani quannu t’arricamavanu chi mani, ora su tutti esperti e prufissura ‘un su cchiù purtaturi i dda cultura. Pi anni fusti terra Mmaculata, oggi priva d’amuri , Addulurata puru i to figghi su tutti canciati, stannu fasciennu peggiu i ddi pirati. Pi mamma ha sempri avutu Roma Capitali, t’avissi a dari aiutu, quannu sta mali, e inveci ,quannu dda Lupa avía latti,nutría a tutti, ora : sulu a na massa di latri e farabutti. Ma i politici ci su pi guvirnari ! pi iddi, ’un ci nn’è problema, ponnu manciari, su tutti bravi a superari a crisi e poi aumentanu tassi tutti i misi. Forsi ‘un t’aspittavi sta mala sorti Paisi mia! si cunnannatu a morti! Su tutti buoni pi jttari lagni ma poi: ognunu pensa e so uadagni! Versu l’elezioni Passò u Cannilivari, finieru i fiesti, già ti inchieru i mura a manifesti: Poi incontri, scumazza e volantini pi l’indecisi e l’ultimi cretini. Cumpari i cca, cumpari i dda,..“ Tutti pu zu Puddu” Ma dopu l’elezioni……….’un si cchiù nuddu”. Ancora i stu lustru i luna.. …….sugnu sicuru, ma dopu sta quinta i luna,……arriva u scuru! “ . .

a cura di Peppe Paino