" 'Nta stati o me paisi "

" 'Nta stati o me paisi " 'Nta stati o me paisi ! di Giovanni Giardina Si Diu nun m’avissi datu aiùtu, a st’ura ....già mi nn’avissi iùtu , Nun bastava ca ‘nto‘nviernu stàmu esiliàti , pi cumpletari , ci mancava sulu a stati ! Pi nesciri fora e ghirimi a svagàri nu sacciu mancu iò p’unni pigghiàri. E l’ammininistraturi allura, chi ci stà a fari ? Tra chiddu co n’ha fattu e chiddu c’on fasci nenti, mi livàru puru u spassu, di iri o Portinenti . Scuola, giustizia, trasporti, sanità, ecc.. su tutti segni di alta civiltà !! Ma n’uautri , simu sulu buoni pi pagàri , e quannu poi ha bisuognu , eh ! pò cripàri ! Mi disci u dutturi : “ Niesci, vatti a svagàri ” “Unni ? Quannu ? S’on truovu mancu u largu pi pisciàri,” A machina mia, già l’ebbi a fermàri, pirchì ‘nta stu paisi, ‘un si pò cir-co-là-ri !! Machini, casini, divieti unni và và, questa è la nuda e cruda realtà ! Ca scusa ca i turisti portanu sordi, nuautri , nni ritruvàmu cchiù ‘nta merda ! Tra fiesti, fistini, sonàti , cazzi e mazzi, c’esti cu futti e cu è chi fa ’ntrallàzzi , e u rincoglionitu, dintra, nun capisci, quannu cumincia a stati e quannu finisci E allura u svinturàtu ch’avi a fari ? Mancu na vuccàta d’aria pò pigghiàri ! Stàsci crusciàtu dintra e si dumanna, sa sua è pinitenza, o na cunnana . L’anzianu,u sciuncu, u poviru, u disgraziàtu, quannu mai, ha statu cunsidiràtu ? Smanìa dintra ,di niervi mancu mancia, e spera sempri , ca musica ci cancia ! Comunque : Iò stu Sinnacu u ringraziu, ca pi l’aria, ancòra ‘un pagu daziu e quannu mi fazzu cacchi caminàta, ‘un pagu ancòra a carta bullàta !

a cura di Peppe Paino

Data notizia: 7/28/2013

Condividi questo articolo

 


Potrebbero interessarti...



Vetrina immobiliare

Rudere con terreno Serrofico Quattropani Lipari
Casa semindipendente Santa Margherita Lipari Casa semindipendente Santa Margherita Lipari
310.000
Rustico panoramico Lipari Rustico panoramico Lipari
240.000
Rustico Vitusa Quattropani Lipari Rustico Vitusa Quattropani Lipari
95.000
Vendesi terreno con idea progettuale Marina Lunga Vendesi terreno con idea progettuale Marina Lunga
350.000

Notizie e interviste dalla Capitale

dalla nostra Daniela Bruzzone

Le ricette

Dùrci i casa by Tiziana Basile

Dalle nostre ricette ingredienti per 4 persone... scoprile!

Eolie Islands