" A fimmina e u mari ! "

" A fimmina e u mari ! " di Giovanni Giardina “ Di lu mari nasci u sali, di la fimmina lu mali ” È un bocciuolu, è na rosa, è na fonti di biddizza, quannu sboccia fasci odori, quannu sicca, ‘nta munnizza. Si la vidi ‘nnammurata; gira i spaddi, cancia strata, usa l’arti, a minigonna, prima illudi , poi t’inganna. Juornu e notti va giriannu, tutti i doti va mustrannu, para u chiaccu pu cunigghiu, ed aspetta quannu n’gagghia . Fasci a Santa,vasci a missa….Finu a quannu trova on fissa. Finalmenti è maritata!!!.………accumincia la Traviata !!! ‘Un ci spiári mai chi fasci, si vò stari n’santa pasci, idda spenni, idda spanni, v’ accattannu a tutti vanni , sa cuminci a cuntrariari……sunnu cazzi di cacari ! Nun supporta ca t’impicci, fasci cuosi, mancu i pacci. Cumu o diavulu ti tenta,… voli sordi….. e ssu tanti, quannu vidi c’on c’è nenti, nesci l’ugna,mustra i dienti, vusci , sciarri tutti i jorna,….su dulura…..sunnu corna ! Ci riprova, tonn’ alliscia,………alla fini poi ti piscia. . L’omu ormai è risaputu, prima i nasciri è curnutu ! Chista è a vita e u campari! Ed allùra c’hamu a fari ??? Si vulimu iri avanti…..tutti i dui sunnu importanti: Servi a fimmina,….Servi u mari….‘unni resta chi cantàri : Malidittu quannu fu, ca mi vosi maritari, mi putía jttàri a mari e ‘un si nni parlava cchiù !

a cura di Peppe Paino