" Vurcanu ! "

" Vurcanu ! " VURCANU ! ( di Giardina Giovanni ) 2011 Ha statu sempri scantu pi la genti, ma focu ardenti pi li cori amanti cu na curuna attuornu tutta ardenti e un faru pi la genti naviganti. Di ssu riposu tua nn’apprufittasti turisti i tuttu u munnu arricugghisti vinnniru in tanti di luntana via ca si nun fussi vivu, “un ci cridi’a. A mari cumu nu rubinu si n’gastata n’ta ss’acqua tua ci stassiru a iurnata e quannnu arriva u iuornu di parti’ri i pieni i n’fiernu ognunu havi a patiri. N’ta fossa si vidi ancora na ferita attiri cumu fussi calamita, ha statu pi tant’anni senza parlari ma l’arma tua continua a palpitari ! Quantu tili, i pitturi immurtalaru ! quantu figghi, poi t’abbannunaru ! u fisciru pi fami senza rancori, pirchi’ lassaru cca puru lu cori. I malantrini ti usaru cu distrizza sfregiaru tutta quantu a to biddizza nun ci pinsaru mai alla svintura si s’arrisbigghia la matri natura Quantu ti vogghiu beni Vurcanu mia ! china di storia e china di puisia. si tu passannu u tiempu t’ha svigghiari danni un signali prima…fanni scappari ! Chistu lu dicu a ttia sciuri di mari, pensa a sti figghi tua, nun tu scurdari!.

a cura di Peppe Paino