" U zu Turi da marina"

U zu Turi da marina (Turi Alivu ! ) ( di Nello Raffaele ) Io’ sugnu lu ZU TURI, da marina, e lu cchiu’ beddu di li piscatura, u primu sugnu n’terra la matina, mi stiru e poi ringraziu lu Signuri.! Nun sugnu riccu e mancu povireddu, cummattu ca saluti, ma “un mi scansu, mi staiu facennu ormai vecchiareddu, pero’ quannu mi sientu vaiu all’anzu. Di stati e n’viernu , pi li me dulura, n’testa mi puortu na birritta i lana, ricamata ma n’trisa di sudura, pi scava’ri lu pisci di la tana. Io’ senza varva sugnu un cittadinu, quannu nun mi la levu sugnu n’atturi, ritrattatu di fermu o chi caminu, a fotu vonnu tutti du “ ZU TURI!” Si n’acchiata o nu cefalu prumettu, tutti mi dinnu : Merica, e……u rialu, cu n’acchiata di menu o nu muliettu, sempri lu stissu sugnu e mancu calu. Tutti mi vonnu beni pirchi’ cantu, ca n’to cantari io’,….. paroli inventu, io’ sugnu “ TURI ALIVU “ e mi nni vantu, dinari ‘un haiu e sempri ssu cuntentu. Si lu Stinnardu all’asta nun m’accattu, San Bartulu, capisci e mi pirduna, u sapi ca la vita io’ cummattu, e cu lu specchiu nun si fa furtuna. Ancora vi lu dicu e mi ‘nni vantu, ca di fiscina io’ sugnu un prufissuri, n’ta lu misteri me, nun tiegnu scantu, si scola ‘nni vuliti………”unni u ZU TURI! “ Si cacchi d’unu, prima i mia lu passa, ‘ddu mari unni di casa , sta lu pisci: E’ bestia! nun lu vidi! ‘dda lu lassa; ‘ddu sceccu d’allanzari “un ‘nni capisci. Si chiddu mari stissu, io’ u ripassu, smuovu lu funnu e ‘dda lu pisci nesci, a lampu lu n’fiscinu e lu trapassu, sugnu “ u ZU TURI ALIVU “ e cca vi lassu.

a cura di Peppe Paino

Data notizia: 2/9/2012