"Tempesta a Canneto"

Riceviamo da Giovanni Giardina e pubblichiamo la poesia di Nello Raffaele, "tempesta a Canneto" A campana sunava l’avi Maria n’te strati ‘un si vidi’a na pirsuna, fasci’a friddu, n’ta lossa mu sinti’a, ca chidda nun pari’a notti di luna, dda sira io’ era tuttu n’duluratu, sucatu stava e sempri arricugghiutu, sinti’a ca Innaru era arrivatu e ca lu bieddu tempu havi’a finutu. Na vardata ci desi a li puntazza, pirchi’ mi lu dicianu i me ossa, m’accurgiu pero’ ch’era vunazza, e ca Ghiuozzu spicchiava n’ta la fossa. N’ta stati mi curcava sempri notti, dda vota fu n’to liettu i prima sira, c’havi’a i iammi debuli e stracuotti, ca nun vali’a cchiu’ di menza lira. Mi dissi n’ta la menti i cuosi i Diu, e dopu, n’ta na vota m’assunnaiu, ma forsi fu a Madonna o Padre Pio si a menza notti n’puntu, mi svigghiaiu. Di maistru lampiava a lu gricali, e u cielu sutta e lampi, era nu n’fiernu, u tiempu si mittia sempri cchiu’ mali, ca si jucava havissi fattu tiernu. U vientu cuminciava a rifuliari, n’to strittu friscava cumu on trenu, scumazzava lu pilu di lu mari, sbattiennu o Munti Rosa senza frenu. Finiestri e puorti trimuliavanu, pari’a ca c’era i fora cu i spinci’a, e sempri cchiu’ i carni m’aggrizzavanu, vardannu ddu timpurali chi crisci’a. N’ta nenti visti isa’ri i cavadduna ora a timpesta un’era cchiu’ luntana, si unu sarvava a varca, era furtuna, sutta a chiddu grecu e tramuntana. N’ta strata u primu cuorpu havi’a trasutu, e l’autru nun lu fasci’a cchiu’ aggirari, s’havia u muragghiuni accunsintutu e a lu terzu, finu’ di campari. P’arriparari un pocu lu so nidu la genti s’intacciava li purtuna, Turi u disci’a : “sta vota nun mi fidu” “forza carusi, ca e’ tiempu c’on pirduna” ! U mari ‘un circava cchiu’ pirmissu, pari’a ca u paisi s’affucava, c’era cu si strinci’a o Crucifissu, vidiennu ca la casa si sfasciava. Qurcunu i fora a vista sa gudi’a, ma tanti piniavanu i duluri, vardannu li so cosi ca pirdi’a, n’mienzua ddu sfracelu di tirruri. Accuminciava a nasciri lu juornu, e nuddu segnu c’era i carmari’a, scidu’ dopu passatu lu menziuornu, e a sira ‘un sono’……l’avi Maria !

a cura di Peppe Paino