" Genti d'aieri 'nte me pinseri ! "

" Genti d'aieri 'nte me pinseri ! " Genti d’aieri ‘nte me pinsieri ! di Giovanni Giardina E se gli Eoliani,avessero ancora un pizzico d’orgoglio !!! Tutti i tradizioni ormai i pirdìmmu , passàru l’anni e nni nn’ accurgìmmu. E figghi nostri chi è chi ci amù ‘nzignàtu, si nni vriognàmu puru du passatu ? Lassàtimi però, spizzàri na lancia, c’ancora c’esti chiddu ca s’arrancia, a curpa ci a dugnu a ccu è chi fasci i liggi c’arruvinàru a nnuautri e puru e figghi. Oggi scrittùri di libri nn’avìmu tanti ma scrivunu supa a uomini ‘mportanti; I poviri, quannu mai hannu fattu storia, è miegghiu cancellalli da memoria ! U Cefalu ,Matarazzu, Lo Riziu, a Zoppa ,a Pattisana, a Pilusa, Spada, Baldi,Jacunu,,,Ruggieru,Viddanti,Sapienza,Liuni, Reitanu Mirrina,Mannellu,Monti, Cavalieri, Merlu, u Craparieddu, Larienzu, Saccu i pagghia, Turi ‘mpiriali, Cocomero, Mastru Nofriu ,Basili, Rodà, Croscheta,Micu u curtu,, Minicu Ziinu, Turipappa,Restuccia. ( Dai cuntadini ‘nfinu ai commercianti ) E scusàti, si mi fiermu cca e ‘un vaiu cchiù avanti ca carta è picca .chidda c’haiu davanti. su tutti nuomi ca oggi ‘un tiranu sordi miegghiu lassalli stari, miegghiu ti scuordi ! Quannu mai ha cuntàtu l’artigianu ? Miegghiu canciu discursu e lievu manu ; Cunsidiràti na massa d’ignoranti, ma intantu purtàru un Paisi avanti ! Quantu Mastri ! Quantu Artigiani ! Uomini senza pinna, chi caddi e mani, senza ripuosu, senza mai riggiettu ma chini d’amuri e chini di rispiettu. Poi,‘un ci nni fu unu, a ccu pigghui, pigghiu, c’on ci desi l’avveniri a lu so figghiu. Oggi pi ddi mistieri si prova sdiegnu, ormai ‘un sunnu cchiù fonti i uadagnu. Ma puru ca si vulissi unu ‘mparàri, mu sapìti diri cu è chi l’avi a ‘nzignàri ?. Tutti li santi jorna parlamu i crisi, e c’on s’arriva mancu a fini o misi, si oggi un giuvani voli travagghiàri : pó fari sulu a prova d’ emigràri ! Lipari-18-08-2012-

a cura di Peppe Paino