" Lipari in agonia ! "

" Lipari in agonia ! " di Giovanni Giardina 15.09.2012 Niscìti tutti fora, figghi e amisci niscìti ormai nun bastanu li preci sonàti tutti i campani, sonàti forti ca stu paisi è cunnannatu a morti.! Currìti puru i figghi da luntànu currìti cca’ a dàrini na manu è a mamma vostra ca vi scerca aiutu sugnu sicuru ca ,‘un v’atú scurdàtu. I muorti puru i dda stannu a uardàri nun hannu vusci e ‘un ponnu parlàri ‘un hannu cchiù ripuosu ,‘un’hannu pasci vidiennu stu paisi ‘nta sta vrasci. Sta terra divintò nu ‘nfiernu è puru curpa quannu ‘un c’è Guvernu, L’omu da natura ‘un teni cuntu e a ogni occasioni poi nni presenta u cuntu... N’ta st’anni ha cummattutu cu li vienti di corpa e mari ha prutiggjutu a genti u tirrimuotu mai ha fattu disastru, San Martulu pi chistu è veru Mastru. Giràti figghi mia da chissu munnu pi st’isuli ca stannu iennu o funnu Lipari sta piniannu...... pi mala sorti ! sonàti tutti i campani.....sonàti a morti ! S’aggiranu i to figghi pi t’aiutàri camìnu a scausa e tornu a priàri pi ora ca ti staiu vidiennu in agonìa ! ti sta purtannu u cori e a vita mia!

a cura di Peppe Paino